وواحدة تانية قالت يعني هي اللي كانت بتجري وراه؟ عبلة قامت من مكانها وهي بتزعق دي مؤامرة! التسجيل متفبرك! بصيتلها وقلت استني يا عبلة... ده أول تسجيل بس. رجعت للشاشة. ظهر تسجيل تاني. نفس السلم. لكن المرة دي عبلة نفسها كانت موجودة. كانت طالعة ومعاها كيس خضار، وجوزها محمد معاها. وأول ما ظهر صوتها، محمد اتجمد مكانه.
عبلة في التسجيل كانت بتقول أنا زقيت البنت عليه من الأول. محمد رد عليها إنتي بتتكلمي عن إيه؟ قالت عن العريس! هو مش شايفها، وأنا اللي خليتها تقرب منه وتشاغله وتفهمه إنها بتحبه. محمد قال بس ده غلط يا عبلة... ده خطيب بنت أخويا. عبلة ردت بمنتهى البرود وإنت هتفضل طول عمرك بتفكر بالعواطف؟
الراجل ده متريش، ولازم يتجوز بنتنا مش حنان. أنا هنا بصيت لمحمد. كان واقف كأنه اتشل. عبلة بدأت تصرخ كفاية! كفاية بقى! لكن التسجيل كان لسه شغال. قالت في الفيديو حنان هتلاقي غيره، إنما العريس ده لو راح مش هنعرف نجيب زيه. محمد قال وأخويا؟ ضحكت عبلة وقالت أخوك هيرضى... ما هو طول عمره ضعيف قدامك. الجملة دي وقعت على محمد كأنها صفعة. الشاشة اتقفلت. والقاعة كلها بقت ساكتة.
ولا صوت أغاني. ولا زغاريد. ولا حتى همس. الكل كان باصص لمحمد وعبلة ونرمين. العريس نفسه كان واقف مش قادر يستوعب. لف ناحية نرمين وقال إنتي كنتي بتلعبي عليايعني مش بتحبيني كل اللي عيزاه انك تخـ,ـطفيني من بنت عمك نرمين كانت بتعيط وقالتلا لا أنا... أنا كنت بحبك. قالها نعم ده كل حاجه واضحه صوت وصوره ..وانا الغبي اللي فكرت انك ميته فياليل نهار تكلميني وتقوليليانك عشقاني ومش عايزه غيري من الدنيا.
.وانتي كل همك انتي واهلك فلوسنا عبلة جريت ناحية الشاشة وهي بتقول لا يا ابني لا يا جماعة التسجيل ده قديم! وبعدين الكلام اتفهم غلط! أحمد اتكلم لأول مرة، وقال يتفهم إزاي يا عبلة؟ صوتك واضح وصورتك واضحة، وإنتي بنفسك بتقولي إنك زقيتي بنتك عليه. محمد قرب مني. وشه كان مكسور. قال أحمد... أحمد لف له. محمد قال أنا غلطت. أحمد رد مش غلطت يا محمد.
.. إنت خذلتني. محمد نزل عينه في الأرض. عارف. أحمد قال أنا كنت مستنيك تقف جنبي، مش تاخد بنتي وتديها لأختها كأننا في سوق. محمد دموعه نزلت وقال أنا صدقت إن ده نصيب. ضحكت وقلت لأ... إنت صدقت اللي عبلة كانت عايزاك تصدقه. عبلة بصتلي بحقد وقالت إنتي جاية تفضحينا في فرح بنتي؟ قلتلها أنا ما فضحتش حد.
أنا بس عرضت اللي حصل قدام الناس زي ما هو. وبعدين بصيت لنرمين. وقلت فاكرة يوم ما حنان كانت بتسألني هي ليه بتعمل كده؟ وأنا كنت بقولها اسكتي دي بنت عمك؟ نرمين بدأت تعيط. خلاص يا مرات عمي... قلتلها لأ، مش خلاص. لأنك لما كسرتي قلب حنان، كنتي فاكرة إن الدنيا هتضحكلك. العريس فجأة شال الدبلة من إيده. نرمين شهقت إنت بتعمل إيه؟ قال أنا مش هقدر أكمل.
القاعة اتقلبت. عبلة جريت عليه استنى يا ابني! ده يوم فرحنا! رد عليها هو كان يوم فرحي لما كنتي بتخططي تجوزيني بنتك وأنا خاطب حنان؟ وبص لنرمين وقال أنا غلطت لما سمحت لنفسي أسمع كلامك، وغلطت أكتر لما فسخت خطوبتي من حنان بالطريقة دي. وبعدين لف ناحيتي وقال أنا عارف إن الاعتذار مش هيصلح اللي حصل... بس أنا آسف. قلتله اعتذارك لحنان مش ليا. قال هروح لها. أحمد وقف قدامه وقال لأ. العريس بصله.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.