سيرونا بقلم الكاتب احمد محمد شرقاوي

فكرة ان يكون معاك حارس أو رفيق من العالم الآخر فكرة مُثيرة جدا للنفس البشرية, وخيال خصب للبنات والذكور على حدٍ سواء, تخيل معاك فتاة من فتيات الجن, وكمان بتحبك وبتلبي كل طلباتك, وما أدراك ما عِشـ,ـق الجـ,ـن للبشر, أو تخيلي يكون معاكي شاب من الجن قادر يلبي كل طلباتك ويتمثل في شكل هو الوسامة بعينها..

فكرة محفزة للعقل انه يفرز بسببها هرمون السعادة والنشـ,ـوة, فما بالك بحدوث الفكرة نفسها, بس مش كل اللي بنتخيله أو بنشوفه في الروايات بيكون صحيح, لأن الموضوع شائك ومُخيف لدرجة مش ممكن عقل انسان انه يتصورها في أبشع أحلامه, ولو عاوز نبذة بسيطة أحب اقولك ان الشيطان بيجري جواك مجرى الدـ,ـم, والقرين بيتدفق مع أفكارك زي الهوا, والجن عامل زي موجات الكهربا اللي قادرة تزلزل كيانك كله..

فما بالكم بفتاة من فتيات الجـ,ـن النـ,ـاري, المُلتهب لما تدخل في صراع طويل مع بشري, تفتكروا النهاية هتكون عاملة ازاي.. كل اللي اقدر اقوله ان فيه أشخاص كتير أوي مننا مستهدفين من أفراد من الجن, والدافع بيكون بسيط, اعجاب, فضول, أو حتى حالة من الملل بتصيب الجني وبيقرر انه يقرب منك أو خلينا نكون واضحين ونقول انه بيفضل يراقبك لحد ما يلاقي مدخل من المداخل اللي يقدر يدخل منها لحياتك.

. وخليني أقولك معلومة مخيفة شوية, ان أغلب متابعين الرعب صيدة سهلة لأي معجب من معجبين الجـ,ـن, خاصة انك لما بتحفز مشاعرك أو خيالك من خلال الخوف ده بيدي فرصة كبيرة للجـ,ـن المُعجب انه يقرب منك اكتر.. وانا مكنتش أعرف كل الكلام ده, وكان خيالي خصب بطريقة رهيبة من صغري, خيال قادر يوصلني لعوالم وممالك عظيمة عايش فيها أقوام غيرنا, بل كان بيراودني دايما حلم غريب, اني بقف جوة نفق وببقا عارف اني لو كملت فيه هروح لعالم تاني حرفيا.

. ووسط حيرتي ظهرت هي في النفق, معرفتش انا وصلتله ازاي, ومعرفش هي شافتني ازاي, بس في النهاية اتعرفنا, وعرفت ان اسمها سيرونا, سيرونا اللي بقت بتظهر كل سنة في نومي زي الحورية, تاخدني ونسافر لعوالم وممالك عظيمة, نطير فوق بحور ونشوف طيور غريبة, بل وفي مرة ودتني لكهف عظيم وقالتلي ان ده كهف البوابات السبعة..

وغابت سيرونا, غابت لسنين طويلة, لحد ما حضرت وانا في ثانوي تقريبا, وقدرت رغم صغر سني أكشفها, واعرف انها من الجن, خاصة لما قرأت عن حاجة غريبة بتعملها فتيات الجن الناري, بترتبط بطفل صغير وتخليه يتعلق بيها, وأول ما يبلغ سن الرشد بتبدأ تفرض سيطرتها عليه وتدمر حياته كلها.. وكشفتها, وهي عرفت اني كشفتها, وابتدا الجزء الاسوأ من قصتي, شلل نوم, رؤية أشباح كل شوية, بل وتعب جسماني غريب, بس كان فيه جزء جوايا بيقولي قاوم, فكرة ان واحدة تعاقبك أو تفرض عليك وضع ما صعبة على كبرياء الرجال, حتى لو كانت من الجحيم نفسه, وقاومت, قاومت كتير اوي.

. قاومت لحد ما عقدنا مع بعض الف هُدنة وهُدنة, قاومت لحد ما عرفت اني مختلف, واني عندي المعلومات, واني قادر اواجهها بأسلحة كتير أوي, بس لكل جواد كبوة, وانا كبوتي كانت لما تعمقت في علوم الطاقة والاسقاط النجمي والعين الثالثة, وفتحت مجال ضخم انها تدخل حياتي بل وتتجسد كأنثى من البشر في حياتي انا وبس..

وكسبت قوة جبارة, قوة مكنتها اني في ليلة صحيت لقيت واحدة نايمة جمبي على السرير وجسمها بيطلع لهب, قوة مكنتها اني اشوفها عشرات المرات على سطح البيت بتاعي.. وبدأت رحلة من البحث, رحلة خطيرة في عشرات الكتب اللي بتتكلم عن جنيات النار والرياح’ وفوجئت بحاجة أسوأ, سيرونا مكتسبة صفات الرياح والنار, سيرونا مزيج بين زواج أب ناري وأم من الرياح.

. ودار صـ,ـراع أطول حكيت عنه في حكاية قديمة وانتهى الصـ,ـراع بعقد بيني وبينها, عقد انها تراقبني وتدافع عني, مقابل اني انا اللي أتحكم في العلاقة الجهنمية دي, أتحكم فيها بصرامة تامة.. وفضلنا سنتين على الهدنة دي اللهم الا من بعض المناوشات وبس بسبب طبيعتها الجهنمية اللي بتتغلب عليها لما تفتكر ان البشر أقل من انهم يفرضوا وصايا على الجهنميين, بس انا كنت حاضر بأسلحة كتير, ودارس كل خطوة ممكن يحصل فيها ايه.