يوم طلاقي حكايات زهره الربيع 2

يوم طلاقي حكايات زاهره الربيع 2 حكايات زهره الربيع 2 فتحت الملف وأنا إيديا بتتراشف، الصدمة كانت لسه مسيطرة على كياني، وعقلي مش قادر يستوعب إن الشاب اللي كنت بشوفه قدام باب بيتنا بياكل من بواقي الأكل، …

يوم طلاقي حكايات زاهره الربيع 2

حكايات زهره الربيع 2

فتحت الملف وأنا إيديا بتتراشف، الصدمة كانت لسه مسيطرة على كياني، وعقلي مش قادر يستوعب إن الشاب اللي كنت بشوفه قدام باب بيتنا بياكل من بواقي الأكل، طلع ظابط ورتبة، وقدر في لحظة واحدة يقلب السحر على الساحر ويمحي اسم طليقي وأهله من المنطقة كلها.

بصيت لـ صلاح، كان قاعد بكل هيبة، راجل مالِك زمام الأمور، ملامحه الحادة ونظراته الشديدة ما بتمتش بصلة للصورة القديمة. قال لي بصوت هادي بس يقطع الشك باليقين:"افتحي يا نوال.. اقري السطور دي بعينك عشان تفهمي إن طلاقك مكنش مجرد نزوة من حمدي أو قساوة من أمه، الموضوع كان أكبر من كده بكتير.

"فتحت أول صفحة، ولقيت أوراق رسمية مطبوعة بشعار وزارة الداخلية، وتقارير مراقبة وتفريغ مكالمات. عينيا جت على اسم أبويا! قلبي وقع في رجليا، وبصيت لصلاح بذهول ورعب:"أبويا؟! بابا ماله ومال الكلام ده يا صلاح؟ أنت بتقول إيه؟!"قرب صلاح كرسي وقعد قصادي، وبصلي بحنان عشان يهديني، وقال:"اهدي وركزي معايا.

حمدي طليقك وجوز أخته مكنوش مجرد تجار سموم عاديين، دول كانوا أداة في إيد شبكة كبيرة بتتكون من ناس ثقيلة في البلد. الشبكة دي كانت بتدور على حجة عشان تضغط على أبوكِ.

أبوكِ يا نوال مش مجرد راجل طيب وعلى باب الله زي ما أنتِ فاكرة.. أبوكِ راجل حارس وعين من عيون الآثار القديمة في منطقتنا هنا. بيتكم القديم اللي خلف الحارة، مبني على سرداب أثري كامل، والشبكة دي كانت عايزة تشتري البيت بأي ثمن أو تخلي أبوكِ يسلمهولهم عشان ينقبوا تحته.

"شهقت وحطيت إيدي على بقي، وكمل صلاح وهو بيقلب الأوراق:"أبوكِ رفض كل الفلوس والعروض، وعشانه راجل شريف، وقف في وشهم وقالهم البيت ده ملك الدولة والأرض دي أرض أجدادنا ومش هسيبها للحرامية. لما فشلوا مع أبوكِ بالفلوس، استخدموا الخسة.. خلو حمدي يتقدم لكِ! الجوازة من الأول كانت ملعوبة يا نوال!

حمدي اتجوزك بأمر من الشبكة دي، عشان يدخل بيتك، ويبقى قريب من السرداب، وفي نفس الوقت يضغط على أبوكِ بنتك تحت إيدنا ومهانة عندنا! العذاب اللي شفتيه مع أمه وأخته مكنش مجرد طمع حريم أو غيرة..ده كان مخطط معمول بالملي عشان يكسروا أبوكِ ويجبروه يوقع على تنازل عن البيت والسرداب مقابل إنهم يسيبوكِ في حالك!

"الدموع نزلت من عينيا زي المطر.. افتكرت كل ليلة انكسرت فيها، كل كلمة مهينة سمعتها من أمه وأخته، كل ض. ربة وإهانة من حمدي.

. اتاري حياتي ومستقبلي كانوا كارت ضغط على أبويا الغلبان عشان يبيع شرفه وأمانته!سألت صلاح وصوتي مخنوق بالبكاء:"وبابا.. بابا كان عارف كل ده؟"رد صلاح بثبات:"أبوكِ كان حاسس، بس مكنش معاه دليل، مكنش قادر يتكلم عشان خايف عليكِ.ولما لقاكِ بتموتي بالبطيء، قرر يتنازل عن حقوقك كلها ويسحل نفسه في المحاكم عشان يخلصك من أيديهم قبل ما يق.

تلوكي أو يدمروا حياتك. يوم الطلاق، لما حمدي وقف يستفز أبوكِ، أبوكِ كان واصل لقمة العجز، وعشان كده حلف اليمين ده.

. كان بيفدي شرفه وبنته وأرضه بأي حاجة في الدنيا، حتى لو هيجوزك لأول واحد يطلبه!"صلاح سكت لحظة، وبص في عيني وقال بابتسامة دافية:"وأنا.. ربنا جعلني في المكان ده وفي التوقيت ده بالذات. أنا المراقبة بتاعتي للشبكة دي بقالها سنتين، وكنت ممشي دور المجذوب عشان أكون موجود في الحارة أربع وعشرين ساعة من غير ما حد يشك فيا.