شيـ,ـطان الأيتام بقلم الكاتب احمد محمد شرقاوي

مراتي بعد سنة ونص من الزواج طلبت مني الطـ,ـلاق لأن كل نتايج التحاليل أكدت إن العيب فيا زي ما بيقولوا وإن موضوع تأخر الخِلفة ده بسببي أنا للأسف, حاولت معاها أكتر من مرة وفهمتها إن ده قدر وما علينا إلا الأخذ بالأسباب ونصبر شوية, بس مكانتش عندها أي نية للتفاهم إطلاقا, الطـ,ـلاق ثم الطلاق, وزي ما دخلنا بالمعروف خرجنا بالمعروف, ولقيت نفسي فجأة في قلب الشقة لوحدي, زي اليتيم اللي أبوه وأمه مـ,ـاتوا فجأة بدون أي مقدمات, معرفش ليه وقتها شوفت الدنيا سودة أوي, ومقدرتش أتفائل بالوضع اللي انا فيه ده, وبما إنها شقة إيجار وكانت بعيدة عن شغلي ومضحي عشان مراتي تبقا جمب أهلها فقررت أسيب الشقة خالص بذكرياتها واشوف شغلي, وأبسط حاجة إني أخد شقة جمب شغلي وربك المستعان.

. كلمت أكتر من سمسار عشان يشوفولي شقة إيجار قريبة من الشركة اللي أنا شغال فيها وكلهم قالوا بعد أجازة العيد, وقضيت لوحدي أسوأ عيد ممكن شاب يقـ,ـضيه في حياته, ياما تخيلت إن فيه عيد هيعدي عليا وانا معايا مراتي وابني وبنتي اللي هخلفهم, بس واضح اننا بنرجع لورا مش بنطلع لقدام, وقبل ما أجازة العيد تخلص بيومين كلمني السمسار وقالي إن فيه شقة كويسة وبسعر قليل جدا بس المكان نفسه هادي زيادة عن اللزوم, ابتسمت وقولت “ده عز الطلب” وانا هاخد ايه من الدوشة والشقق اللي على الطريق السريع.

. نزلت قابلت السمسار وكان معاه العقود عشان لو الشقة عجبتني, الشقة كانت بينها وبين الطريق يمكن عشر دقايق مشي وسط عماير هادية جدا جدا, وكمان العمارة اللي فيها شقتي كانت واخدة مساحة لوحدها وبعيدة عن العمارات الباقية, والمُثير كمان إنها كانت في مبنى من تلت طوابق كل طابق بشقة واحدة, والغريب إن الشقة الوحيدة الساكنة هتكون شقتي انا وبس, واضح إن الوِحدة قدر مش اختيار..

دخلت الشقة لقتها مناسبة جدا وكمان مفروشة, تشطيب محترم وهادية, وبدون تفكير مضيت العقود, وخدت دش ونزلت أشتريت شوية أكل وقعدت في البلكونة اللي هواها كان يرد الروح زي ما بيقولوا, كانت بتطل على مدرسة تقريبا وبيني وبينها شارع, يعني محدش كاشفك نهائيا, وعلى العشا تقريبا قولت أدخل أنام شوية..

بس مسافة ما دخلت للسر,,ـــــير سمعت خبط عنيف على باب شقتي, قمت اتفزعت من مكاني وانا بقول “سترك يا رب” لبست البيجامة وخرجت بسرعة والخبط العنـ,ـيف مبيقفش, فتحت الباب لقيت طفل يمكن 8 سنين تقريبا, أول ما فتحت الباب لقيته دخل وقفل الباب وهو بيترعش, بصتله بتوتر وقلت: – خير يا حبيبي فيه حد بيجري وراك لقيته بيرد وبيقول: – أصصصل عععع أأأأأأ – اهدى بس وقولي مال…….

. وسمعت خبط أعنـ,ـف الف مرة من خبط الطفل, لقيت الطفل مسك فيا برعـ,ـب, طمنته وفتحت الباب عشان اتفاجئ براجل عجوز بس ملامحه قـ,ـاسية بطريقة مُخيفة جدا, وكأنه شـ,ـيطان مش إنسان, تجاهل وجودي تماما ومسك الطفل من شعره بقسـ,ـوة, حاولت أمنعه بغضــ . ــب لقيته بص في عنيا بصة جمدت الدم في عروقي حرفيا وقال: – متدخلش في اللي ملكش فيه انت لسة جاي وأكيد مش هتحب تحصلك مشاكل كلامه أثار جوايا خوف غريب, ولقيته شد الطفل بقسوة غريبة ونزل على السلم والطفل عمال يبكي ويستغـ,ـيث بيا, بس انا كنت واقف متمسمر مكاني, مش عارف هتدخل ازاي وهقول ايه, لعنت ضعفي وقلة حيلتي وبصيت عليهم من البلكونة, لقيته سحب الطفل ده لحد المدرسة دي ودخلوا من الباب وبعدها اختفوا من قدام عنيا بسبب ظلام الليل, قعدت على السر,,ـــــير بعد ما النوم اختـ,ـفى من عنيا حرفيا متعصب ومتضايق على حال الطفل ده, ازاي فيه ناس بيتعاملوا بالقسـ,ـوة دي مع الأطفال, في حين واحد زيي محـ,ـروم من الأطفال وبيتمنى ضفر عيل صغير, معرفش ليه الهموم زادت على قلبي ولقيت دموعي بتنزل من عنيا, مسحتها بسرعة ودخلت اتوضيت وصليت ركعتين ونمت بعد محاولات كتير.