خلوة مع الشيـ,ـطان بقلم الكاتب احمد محمد شرقاوي

. وتاني يوم وانا راجع من الشغل سمعت صوت صياح مخيف على السلم, كانت أختي الصغيرة بتصرخ, جريت زي الصاروخ لقتها واقعة في الأرض والقط فوقها بيحاول يخربش فيها ويعورها, وبدون أي تفكير مسكته من رقبته وخبطته بكل عـ,ـنف الدنيا بدماغه في الحيطة, مرة واتنين وتلاتة لحد ما سمعت حشرجة غريبة وفارق الحياة..

رميته في الأرض وانا متوتر عشان تخرج أمي والست درية, أمي صرخت من الخوف أول ما شافت القط مـ,ـيت, أما درية فبصتلي بصة جمدت الدـ,ـم في عروقي وخدت جـ,ـثة القط ودخلت بيها جوة وقفلت الباب.. وفضلت أمي طول الليل مرعوبة وبتلومني على اللي عملته, وانا بفهمها اني أعمل أد كدا الف مرة لو حد لمس أختي الصغيرة, وعدى الموضوع أو كنت فاكر انه عدى, لحد ما تاني ليلة بدأت أحس ان فيه صوت مواء خشن, بس مكنش جاي من على السلم, كان جاي من قلب الاوضة بتاعتي.

. صحيت من النوم وقلبي بيدق بعنف, ببص ناحية الدولاب لقيت القط اللي قتـ,ـلته واقف وعنيه كلها دم جمب الدولاب, كان واقف على رجلين بس وبيبص ناحيتي بغضب شديد, حاولت اتحرك من مكاني بس رجليا مكانتش شايلاني من الأساس, لقيته بيقرب ناحيتي ولأول مرة أسمع صوت جاي مع المواء, كأني بفهم كلام القطط, كان الصوت بيقول "قـ,ـتلتني" ولقيت نفسي من الرعب بقول: "انا أسف, أنا أسف سامحني" الغريب انه وقتها خرج من باب الاوضة وهو ماشي زي البني آدمين, خرجت أجري وادور عليه في الشقة كلها بس كان اختفى, ومن تاني يوم رجع القط من تاني يظهر على السلم ويموء بغضب أكبر, لدرجة أن أمي بقت بتخاف وقالتلي ان القط صحي من المـ,ـوت, ولما شوفته في مرة وانا راجع من الشغل شوفت جـ,ـرح كبير في راسه, ومع ذلك مكنش متأثر بيه, وكان بيراقبني وبيبتسم كل ما بنزل أو أطلع.

. بس الموضوع منتهاش على كدا, أختي الصغيرة بقت بتقوم من النوم مخضوضة وتفضل تبكي وتقول ان القط جالها وبيقول انه هيمـ,ـوتها, الموضوع اللي بدأ يخليني أحس بالخطر الشديد على أختي الصغيرة, وزاد الأمر أكتر لما بقت بتصحا من النوم والاقي خرابيش على جسمها, خرابيش مخيفة وكمان على مناطق حساسة من جسمها..

وانا مكنش ينفع أقف ساكت قدام الخطر ده, خاصة لما يقرب من أختي الصغيرة اللي ابويا سايبها أمانة معايا, وقررت أدخل بيت الست دي عشان أشوف هي بتعمل ايه, واستنيت ليلتها لنص الليل وفضلت مترقب ظهور صوت القط بس مكانش ظاهر, وده شجعني أدخل شقتها, خاصةً ان شغلي في الورشة علمني فتح الأبواب المقفولة بسهولة.

. وخدت معايا سـ,ـكين وفتحت لسان الباب بشويش لحد ما دخلت للصالة, أول ما دخلت شميت ريحة بخور بشعة, بس تجاهلتها بصعوبة ودخلت اتأمل الصالة, الصالة اللي كانت غريبة في شكلها, صالة فاضية تماما وعلى الحيطان فيه حيوانات متحنطة ومتعلقة عليها, وعلى الأرض كانت فيه رسومات غريبة ومش مفهومة.. ومن جوة الأوضة بدأت أسمع صوت أنين غريب, وكان فيه ضوء أحمر غريب جاي من جوة, قربت من باب الأوضة اللي كان مفتوح وبصيت, أول حاجة شوفتها كان القط اللي كان واقف على رجلين بس قدام مبخرة فيها نـ,ـار, تاني حاجة اللي رعبتني لما لقيت أمي جوة مع درية قدام النـ,ـار.