. وسمعت أمي بتتكلم بخوف وتقول: - حقك عليا يا شيخة درية, هعملك كل حاجة بس متأذيش عيل من عيالي وردت درية وقالت: - ابنك اللي أذى الخادم بتاعي - مكنش يعرف, أبـ,ـوس ايدك سامحيه ولقتها فعلا بتقرب وبتبـ,ـوس ايديها, وقتها غضبت غضب شديد ودخلت عليهم وانا بزعق وبقول: - بتبـ,ـوسي ايد واحدة قذرة زي دي وأول ما أمي شافتني شهقت, وسمعت القط بيزوم بغضب ودرية بتقول: - طالما دخلت هنا يبقا هتمـ,ـوت وهجم عليا القط فورا, مسكت ازازة كانت على الترابيزة وضـ,ـربته في دماغه عشان يصرخ اكتر ويهجم عليا, وقتها من الرعب أمي خرجت تستغيث بالناس وتصرخ, وهجم القط عليا من تاني وغرز ضوافره في رقبتي, وحسيت ان الدم بيسيل مني بغزارة, كان قوي وكأنه عامل زي النمر, وحاربته مرة واتنين ودرية بتصرخ بغضب غريب لحد ما الجيران بدأوا يتلموا, وأول ما دخلوا القط هرب من الشقة كلها ووقفت درية غضبانة, وفورا انتهزت الفرصة وقلت للناس: - دي بتعمل سحر وبتحضر شـ,ـياطين في الشقة وهتولع في العمارة كلها كلامي أثار موجة غضب بين الناس وخاصةً صاحب العمارة اللي قرر يطردها في نفس اللحظة من المكان كله, والناس جمعوا كل حاجتها وحرقوها بل وكانوا هيقـ,ـتلوها لولا انها هربت من المكان, ووقفت يومها أعاتب أمي عتاب شديد, وقتها بكت بحرقة وقالت: - كنت خـ,ـايفة عليك وعلى اختك, خاصة انها من أول يوم كانت بتقرأ الكف والفنجان وعرفت انها ساحرة كبيرة - تخافي علينا من ربنا يا أمي مش من الناس, تخافي علينا من غضب ربنا لو كنا بنعصيه, دي الحالة الوحيدة اللي تخافي على ولادك فيها, أما غير كدا فالخوف بيكون من ربنا وبس مش من الناس, حتى لو كانت ساحرة وبكت أمي اكتر وفضلت تستغفر كتير أوي, وانتهى الموضوع لحد ما عرفت ان درية دي ساحرة مشهورة في اكتر من مكان, وكل ما بتتطور درجة في السحر بتعمل حاجة اسمها خلوة 40 يوم في شقة بعيدة, 40 يوم تعبد الشيطان وتسخر الجن على جسم قط عشان تنجح وتترقى درجة في السحر, وان أمي خافت علينا من أول يوم وصاحبتها عشان تأمن شرها, بس ايماني بالله كان أقوى منها, واستعانتي بالله خلتني أتغلب عليها وعلى شيـ,ـاطينها كلهم ولازم كلنا بلا استثناء نتذكر الآية دي "وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ" .
............... متنساش لو عجبتك القصة تعمل لاف وتعليق برأيك في كومنت.. ومتنساش تمنشن أقرب صديق لك عشان يتابع معانا القصة أو تشاركها مع أصحابك.. وفولو لصفحتي لو أول مرة تتابعني.. بقلم: أحمد محمود شرقاوي
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.