اخت جوزى كل ما تولد تيجى تقعد عندى

المحامي بص لي، فطلعت من شنطتي ملف كبير وحطيته على المكتب بكل ثقة. طارق بحلق في الملف واستغرب إيه ده؟ قلت له بمنتهى الهدوء ده كشف حساب بنكي وفواتير الشقة دي.. الشقة اللي إحنا قاعدين فيها، أهلي دافعين فيها 300 ألف جنيه كاش وقت الشراء، غير إني دافعة نص الأقساط والنص التاني من مدخراتي. الشقة دي ليا فيها أكتر من نصها قانوناً وشرعاً. ومادام أختك وأمك حابين الشقة قوي كده وعايزين يقعدوا فيها.

. يبقى تدفعلي تمن نصي كاش وفوراً، يا إما الشقة دي تتظاهر للبيع في السوق ونقسم الفلوس، وطبعاً أختك النفوسة هتنزل بشنطتها في الشارع! طارق وشه اتقلب ألوان، وبدأ يفرك في إيده وصوته اتنبح أنتي بتتكلمي بجد يا نادية؟! بتبيعيني عشان فلوس؟! وأنا هجيبلك منين تمن نص الشقة دلوقتي؟! رديت عليه والله دي مشكلتك مش مشكلتي.. يخلي أحمد جوز ياسمين أبو مرسيدس يسلفك، مش هما بيحبوا المظاهر؟

! المحامي كمل الصدمة عليه وقال له يا أستاذ طارق، المدام معاها ورق رسمي ومثبت في عقود الشقة، لو مفيش تسوية ودية بدفع نصيبها، هنرفع قضية فض شيوع والشقة هتباع بالمزاد العلني. طارق انهار تماماً، وبص لي بنظرة انكسار وقال أنتي اتغيرتي قوي يا نادية.. مابقتيش نادية اللي أنا عرفتها. وقفت، ولميت حاجتي في الشنطة، وبصيت له لآخر مرة وقلت له نادية القديمة ماتت في المستشفى وأنت سايبها بتنزل دم ورايح لأختك تولد وتتغذى.

قدامك أسبوع واحد يا طارق، يا تدفع فلوسي، يا الشقة هتتباع.. ورقة طلاقي تجيلي على شقتي الجديدة. سبته قاعد في المكتب زي الفرخة المبلولة، وخرجت وأنا حاسة إن الحمل اللي كان على كتافي كله انزاح، وإن حياتي الحقيقية لسه هتبدأ حالا.