رفعت عينيها وقالت ملف فيه كل التحويلات اللي حسام كان بيعملها من فلوسك. بصيت لحسام. وشه كان أبيض تمامًا. لكن اللي صدمنا كلنا... إن عادل فجأة قال يبقى إحنا فاهمين الموضوع غلط. بصيت له. يعني إيه؟ قال وهو بيبص لحسام أنا مش أول واحد حاول حسام يبيع له البيت. سألته أمال مين؟ فتح ملفه وأخرج صورة قديمة. الراجل اللي كان قبلي دفع لحسام مبلغ أكبر من العشرين مليون.
نجلاء سألت كام؟ قال خمسة وثلاثين مليون جنيه. حط الصورة قدامي. والراجل ده اختفى من مصر بعدها بأسبوعين. سكت الجميع. وبصيت للصورة... لأني كنت أعرف الشخص اللي فيها. كان آخر شخص شاف أبويا قبل ۏفاته. يتبع...الجزء الرابع فضلت باصة للصورة، وإيدي بدأت ترتعش. كنت أعرف الراجل ده. مش بس أعرفه... أنا كنت شوفته بنفسي. قبل ۏفاة بابا بأسبوع تقريبًا، جه البيت وقعد معاه أكتر من ساعتين.
وقتها بابا طلب مني ما أدخلش عليهم. وقال لي جملة غريبة مهما حصل يا سلمى، ماتوقعيش على أي ورقة تخص البيت. مافهمتش وقتها هو ليه قال لي كده. دلوقتي بدأت كل حاجة تركب على بعض. رفعت عيني لعادل. الراجل ده اسمه فريد. عادل هز راسه. أيوه. نجلاء سألت إنتِ متأكدة؟ جدًا. وبصيت لحسام. فريد كان آخر شخص زار بابا قبل ما ېمــ,,ـــــوت.
حسام ما ردش. قلت وإنت كنت تعرفه؟ سكت. حسام! رفع عيني. أعرفه. من إمتى؟ من الشغل. ضحكت بمرارة. الشغل؟ ثم قربت منه. بابا ماټ من سبع سنين، وإنت كنت بتقول لي وقتها إنك ما تعرفش فريد أصلًا. وشه اتغير. نجلاء قالت إحنا محتاجين نعرف علاقة حسام بفريد، وعلاقة الاتنين بوالدك. عادل قاطعها أنا أقدر أساعد. فتح موبايله. قبل ما فريد يختفي، كان بيتواصل معايا. ليه؟ لأنه كان بيدور على مستثمرين لمشروع عقاري كبير.
نجلاء سألت والمشروع ده له علاقة ببيت سلمى؟ عادل هز راسه. مش البيت بس. فتح صورة على موبايله. الأرض كلها. بصيت له باستغراب. أرض إيه؟ قال الأرض اللي البيت مبني عليها. حسيت پصدمة. البيت على أرضنا من أكتر من خمسين سنة. بالضبط. ثم قلب الصورة. لكن قبل ۏفاة والدك بشهرين، اتعمل تقييم للأرض بقيمة خيالية. سألت كام؟ قال حوالي مية وعشرين مليون جنيه. سكت. يعني البيت اللي حسام حاول يبيعه بخمسة وخمسين مليون...
كانت الأرض نفسها تساوي أكتر من ضعف المبلغ. نجلاء قالت دلوقتي فهمت ليه الموضوع أكبر من بيع بيت. بصيت لحسام. إنت كنت عايز الأرض. حسام اڼفجر أنا ماكنتش عايز أسرقك! أمال كنت عايز تعمل إيه؟ كنت عايز أخرج من الأزمة! بأرضي؟ سكت. في اللحظة دي، سناء قالت بصوت ضعيف حسام ما بدأش الموضوع. بصيت لها. مين بدأه؟ سناء ما ردتش. نجلاء قالت لو سمحتي، قولي كل اللي تعرفيه.
سناء أخدت نفسًا طويلًا. فريد هو اللي جه لحسام. وقال له إيه؟ قال له إن الأرض دي عليها مشكلة في الملكية. بصيت لها. مشكلة إيه؟ قال إن فيه ورثة قدامى ممكن يطالبوا بيها. نجلاء سألت وده حقيقي؟ سناء هزت راسها. معرفش. نجلاء ردت فورًا يبقى لازم نراجع السجل العقاري. عادل قال أنا راجعت.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.