بس اللي عملوه ميتسكتش عليه، وكرامة شقاك وشقايا مش هنسيبها للكلاب تاكل فيها. ادخل معايا واثبت، أنا مش هسيب حقي بسنتيمتر واحد. دخلنا النوبتجية، وقعدنا قدام أمين الشرطة، ومنه دخلنا لمكتب رئيس المباحث بعد ما مشرف أمن الكومباوند بعت تقرير بالواقعة مع أفراد الدورية اللي كانوا جم ولقوني نازلة. قعدت، وطلعت من شنطتي الفلاشة، وعقد البيع المسجل، وبطاقتي، وإيصالات تحويل فلوس البنك اللي تثبت إن كل مليم ادفع كان من حسابي وحساب والدي.
الظابط سمع بهدوء، وشاف الفيديو كامل. شاف القلم اللي طيّر روحي، وتكتيفة طارق لإيدي، وبجاحة كارما، وصوت حماتي وفاء وهي بتقول بعلو صوتها دي شقة ابني وعفش ابني وإنتي اللي هتخرجي بهدومك! الظابط نفخ بضيق، وهز راسه دي جنـ,ـحة تعـ,ـدي وضـ,ـرب صريح مثبت بالتصوير، ومعاها شروع في الاستـ,ـيلاء واقـ,ـتحام مسكن، وفوق كل ده تقرير أمني رسمي.
إحنا هنحرر المحضر حالاً، وهنبعت نجيب الست وابنها وبنتها لأخذ أقوالهم، بس الأول لازم تروحي مستشفى القاهرة الجديدة نعمل تقرير طبي عاجل يثبت الكدمات والسحجات اللي في وشك وإيدك. روحنا المستشفى، التقرير الطبي طلع بكل دقة كدمة رضية بالوجنة اليسرى، وسحجات متفرقة بالمعصمين نتيجة تقييد عنيف، ووجود وذمة خفيفة تستوجب علاجاً وراحة. الورقة دي كانت المسمار الأول في نعش طارق وأمه.
رجعنا القسم، وفي خلال ساعتين، كانت البوكس جايبة طارق وأمه وفاء من شقتهم القديمة في دار السلام. المنظر مكنش يتعوض. وفاء داخلة شايطة، طرحتها معوجة، وبتزعق في الصالة يا بيه إحنا ناس شرفا! دي بنت فاجرة وعاوزة تتبلى علينا، دي مرات ابني وسرقت فلوسه وعفشه وطردتنا في الشارع! وطارق وراها، وشه ميت، عينه في الأرض، وكل ما حد من الأمنا يبصله يتدارى زي الحرامي.
هيبته الموظف المحترم اللي كان عامل بيها راجل وقعت كلها في تراب مدخل القسم. الظابط نادى عليهم في المكتب. أول ما دخلوا وشافوني قاعدة جنب والدي وكوباية المية في إيدي، وفاء اتعفرتت وكانت هتهجم عليا، بس عسكري الحراسة وقف في وشها ونهرها الزمي مكانك يا ست انتي! إنتي في مكتب حكومة مش في حارة! الظابط رمى التقرير الطبي والفلاشة قدام طارق إيه رأيك في الكلام ده يا أستاذ طارق؟
مراتك متهمة والدتك بالاعـ,ـتداء الجسـ,ـدي والسب، ومتهمة أختك باقتحام الشقة عنوة، ومتهماك بالاشتراك والمساعدة وتقييد حريتها، وكل ده متصور صوت وصورة بجودة 4K. طارق اتلجلج، ريقه نشف، وصوته طلع مخنوق زي الفار المزنوق في مصيدة يا فندم.. دي.. دي مشاكل أسرية بتتحل بين الأهل.. إحنا متجوزين رسمي، والشرع بيقول شقة الزوجية من حق الزوجين..
والدي هنا مكنش قادر يسكت أكتر من كده، خبط بإيده على المكتب خبطة رنت في الأوضة، والراجل العجوز الهادي اتحول لأسد بيحمي بنته شرع مين يا عديم النخوة؟! شرع مين اللي يخليك تكتف بنتي عشان أمك تدوس عليها؟! دي قعدت 7 سنين في الشمس والحر عشان تجمع الجنيه على الجنيه، وأنا طلعت دم قلبي ومكافأة معاشي عشان أسترها، وأنت جاي بهدومك وشنطتك المقطوعة عاوز تاخد شقاها بالساهل؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.