محمد قال: "أنا اعترف بده." بصيت له."من إمتى؟" "قبل الجواز." "وليه كملت؟" سكت."رد." قال: "لأني غلطت." "الغلط ده وصل لبنتي." "عارف." "كنت بتراقبها؟ " "في الأول آه." "كنت بتدور في حاجتها؟" "أيوه." منة قالت وهي بتبكي: "عشان كده كنت بتسألني عن ماما وعن الورق." محمد نزل عينه."أيوه." أنا قربت منه."وبعدين؟" رفع عينه."وبعدين حبيتها بجد." منة قالت: "بس ده ما يمسحش اللي عملته.
" "عارف. " "ولا يمسح إنك خبيت عليا." "عارف." "ولا إنك خليتني أعيش في بيت مليان أسرار." محمد ما ردش. فؤاد قال: "بس في حاجة أهم." بصينا له. قال: "محمد مش الشخص اللي قتـ,ـل جوز سناء." قلت: "أنا عارفة." فؤاد بص لي باستغراب. قلت: "بس أنا عايزة أعرف حاجة. " "إيه؟" "إنت ليه رجعت دلوقتي؟" فؤاد سكت. وبعدين قال: "لأن أم محمد هربت." محمد قال: "إنت عارف مكانها؟" "أيوه.
" "فين؟" "راحت المكان اللي كانت مخبية فيه كل الأوراق." نوال قالت: "المخزن القديم." فؤاد بص لها."إنتي عارفة؟" قالت: "كنت بروح هناك." أنا قلت: "طب ليه ما نروحش دلوقتي؟" فؤاد قال: "عشان قبل ما نروح لازم نفهم آخر جزء." "إيه؟" "مين ساعد أم محمد في تزوير الورق." بصيت له."مش هي لوحدها؟" هز راسه."لأ." "مين؟" فؤاد قال: "سامح." سكتنا. قلت: "بس أم محمد قالت إنه مش الشخص اللي معاها العقد.
" "صح." "يعني سامح كان جزء من الموضوع؟" "أيوه." "وكان بيزوّر الورق؟" "كان بيجهز الورق القانوني بعد التزوير." نوال قالت: "وعشان كده كان دايمًا سابقنا بخطوة." أنا افتكرت كل مرة سامح كان بيظهر فيها. كل مرة كان يقول لي: "سيبي الموضوع عليا. " كل مرة كان يطمني. وكل مرة كان بيطلب مني إمضا. حسيت بالغضب."أنا كنت بثق فيه." فؤاد قال: "وده كان سـ,ـلاحه." في اللحظة دي تليفون محمد رن. بص للشاشة.
"أمي." الكل سكت. رد."ألو؟" ما جاش رد. بس سمعنا صوتها. كانت بتبكي."محمد..." "إنتي فين؟" "أنا غلطت." محمد قال: "تعالي وسلمي نفسك." قالت: "مش هقدر." "ليه؟" "لأن في حد تاني لازم تعرفوا حقيقته." أنا قربت من التليفون. قلت: "مين؟" سكتت. وبعدين قالت: "أبوكي يا منة." منة اتجمدت. قلت: "أبو منة مـ,ـات من سنين.
" قالت: "أنا ما أقصدش أبوها." "أمال مين؟" قالت: "جوز سناء." أنا فهمت إنها بتتكلم عن جوزي. قالت: "هو قبل ما يمـ,ـوت كان مخبي الحقيقة عنكم." قلت: "أي حقيقة؟" قالت: "إن الأرض أصلًا ما كانتش ملكه لوحده. " فؤاد قال: "كملي." قالت: "كان فيه شريك تالت." نوال شهقت."مين؟" سكتت. ثم قالت: "سامح." أنا حسيت إني مش قادرة أتنفس.
سامح؟يعني سامح ما كانش مجرد محامي. كان شريكًا. أم محمد قالت: "سامح كان بيحاول ياخد الأرض لنفسه." فؤاد قال: "وعشان كده العقد كان خطر عليه." قلت: "طب مين اللي قتـ,ـل جوزي؟" قالت: "أنا." الصمت نزل علينا. قالت: "بس أنا ما كنتش لوحدي." قلت: "مين كان معاكي؟" قالت: "سامح." فؤاد ضـ,ـرب كف بإيده."كنت عارف." محمد قال: "يعني سامح كان موجود؟" قالت: "أيوه." "وأبويا؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.