" "أمال إيه؟" قال: "نهلة كانت عارفة إن جوزك مخبي العقد." أنا اتجمدت."وكانت بتدور عليه." "أيوه." "بس ليه؟" حمدي بص لمحمد."اسألي أخوها." كلنا بصينا لمحمد. محمد كان ساكت. قلت: "إنت عارف؟" قال: "كنت أعرف إنها بتدور على ورق." "ليه؟" "قالتلي إن أبويا مديها وعد." "وعد بإيه؟" محمد سكت. قلت: "محمد!" قال: "إنه هيديها جزء من الأرض." أنا حسيت إن رأسي هتنفجر. "يعني أختك كانت عايزة الأرض؟" "أيوه.
" "وأنت؟" "كنت عايز حقي." قلت: "وبنتي؟" محمد ما ردش. منه بدأت تبكي. قالت: "أنا كنت مجرد وسيلة." محمد بص لها."في البداية." قالت: "كفاية تقول في البداية!" صوتها كان مكسور."إنت جوزتني عشان ورقة، وكل يوم كنت بعيش وأنا حاسة إن فيه حاجة غلط. حتى لما كنت بتعاملني كويس، كنت بحس إنك مستني مني حاجة." محمد قرب منها."أنا عارف إني ظلمتك." منه قالت: "مش كفاية." سكت. أنا مسكت إيد بنتي.
وقلت لحمدي: "إنت ليه جاي دلوقتي؟" قال: "عشان عرفت إن الدفتر ظهر." "مين قالك؟" "سامح." أنا اتصدمت."سامح؟" "أيوه. " "إنت شغال معاه؟" هز راسه."لأ. هو اتصل بيا من يومين وقاللي إن الدفتر ظهر." قلت: "وإنت صدقته؟" قال: "لأ. عشان كده جيتلك." سألته: "طب ليه طلبت الدفتر؟" قال: "عشان أتأكد إن اللي معاك هو الأصلي. " قلت: "ولما تتأكد؟
" "هقولك الحقيقة كلها." قلت: "قولها دلوقتي." حمدي أخد نفس طويل."جوزك ما وقعش من السلم." أنا اتجمدت. محمد قال: "إنت متأكد؟" "أيوه." قلت: "أمال حصل إيه؟" حمدي قال: "هو كان واقف في البلكونة." "وبعدين؟" "كان بيتكلم مع حد. " "مين؟" "ما شفتش وشه." "وبعدين؟" "سمعت جوزك بيقول: مش هسلمك الورق." أنا بدأت أرتعش."والشخص ده؟" "زقه." منه حطت إيدها على بوقها. محمد قال: "يعني اتقـ,ـتل." حمدي هز راسه."أنا ما قلتش قتـ,ـل. أنا قلت اتزق.
" قلت: "بس ده قـ,ـتل." قال: "أيوه." سكتنا. أنا دموعي نزلت. كل السنين اللي عشتها وأنا فاكرة إن جوزي مـ,ـات في حـ,ـادث. طلع مـ,ـوته مش حادث. والأصعب إن الحقيقة كانت قريبة مني طول الوقت. قلت: "ليه ما قلتش الكلام ده للشرطة؟" حمدي نزل عينه."عشان كنت جبان." قلت: "ولا كنت خايف؟ " "الاتنين." "من مين؟" قال: "من الراجل اللي كان واقف مع جوزك." "مين؟" حمدي بصلي."سامح." أنا حسيت إن قلبي اتكسر. قلت: "سامح هو اللي قتـ,ـله؟
" حمدي قال: "أنا ما شفتش إنه هو اللي زقه." "لكن شوفته؟" "شفت حد واقف معاه." "وعرفت إنه سامح؟ " "عرفت صوته." سكت. وبعدين قال: "لكن لما خرجت من المكتب، سامح كان واقف تحت العمارة." أنا ما قدرتش أتكلم. حمدي قال: "أنا كنت هبلغ الشرطة بعدها، لكن في نفس الليلة حد دخل بيتي وقلبه.
" محمد قال: "مين؟" "ماعرفتش." "وسكت؟" "أيوه." قلت: "طب نهلة كانت موجودة ليه؟ " حمدي قال: "دي النقطة اللي محدش كان عارفها." "إيه؟" "نهلة ما كانتش بتدور على الأرض." محمد بص له."أمال؟" قال: "كانت بتدور على حاجة تخصها هي." نهلة؟أنا حسيت إن الحكاية بتكبر أكتر. قلت: "إيه الحاجة؟" حمدي قال: "جوزك كان معاه ورقة تثبت إن أبو نهلة مش والدها الحقيقي.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.