نافورة مياه حكايات صافي هاني

قالت:
ـ عرفت حاجة؟قلت:
ـ أيوه. ـ مين؟ـ لسه. ـ بس إنت شكلك عرفت. قعدت قدامها. ـ أخوكي كان شغال مع شركة متهمة بتلاعب مالي. وشها اتغير. ـ يعني إيه؟ـ يعني غالبًا كريم اكتشف حاجة. ـ حاجة مرتبطة بأخويا؟ـ آه.

سكتت. وبعدين قالت:
ـ في حاجة تانية. ـ إيه؟قالت:
ـ قبل ما كريم يمــ,,ـــــوت بيومين، نادية قابلته. ـ فين؟ـ في القاهرة. ـ متأكد؟ـ أيوه. ـ وإنتي عرفتي منين؟قالت:
ـ عندي تسجيل صوتي. فتحت الموبايل. شغلته. صوت رجل كان واضح جدًا.

"لو ياسين رجع للشركة، لازم نخلص الملف قبل ما يشوفه."
صوت تاني رد:
"ياسين مش فاهم حاجة."
الصوت الأول قال:
"حسام كان فاهم."
التسجيل وقف. أنا مااتحركتش. مريم قالت:
ـ عرفت الصوت؟هزيت راسي. ـ أيوه. ـ مين؟قلت:
ـ شادي. لكن كان فيه صوت تاني. صوت أعرفه أكتر.

صوت شخص كنت أعتبره أقرب واحد لينا بعد حسام. صوت عمي.---
ماصدقتش في البداية. رفضت أصدق. عمي كان أخو أبويا. وكان دايمًا بيقول إن الشركة أهم من أي شخص. لكن كان واقف جنبي بعد وفــ,,ـــــاه حسام. هو اللي حضر العزاء. هو اللي مسك إيدي وقال:

"أخوك راح، وإنت لازم تبقى راجل البيت."
قعدت على الكرسي. مريم قالت:
ـ إنت كويس؟قلت:
ـ لأ. ولأول مرة من سنين حسيت إني ممكن أنهار. مش بسبب مــ,,ـــــوت حسام. لكن بسبب فكرة إني طول الفترة دي كنت بدافع عن ناس ممكن يكونوا السبب.الحاجة زينب قربت مني.

وقالت:
ـ أبوك الله يرحمه كان دايمًا بيقول إن الإنسان لما يحب حد بيشوفه زي ما يتمنى يكون، مش زي ما هو. بصيت لها. ـ يعني إيه؟ـ يعني ممكن تكون قضيت سنة وشهرين بتدور على قاتل، بينما اللي كنت بتدور عليه واقف جنبك كل يوم.

---
في اليوم التالي طلبت اجتماع مجلس الإدارة. كل أفراد العيلة حضروا. شادي كان هادي جدًا. عمي كان ساكت. وأنا دخلت ومعايا ملف. حطيت الملف على الترابيزة. قلت:
ـ حسام ما ماتش في دــ,,ـــــادثة. كل الوجوه اتغيرت. شادي قال:
ـ ياسين، بلاش نفتح الموضوع ده تاني.

بصيت له. ـ ليه؟ـ عشان التحقيق خلص. ـ التحقيق اللي أنت كنت طرف فيه؟سكت. عمي تدخل:
ـ إنت بتتهم ابن عمك؟ـ لسه. وبعدين حطيت صورة العربية. ـ بس العربية بتاعت شادي خرجت من الشركة يوم وفــ,,ـــــاه حسام. شادي قال بسرعة:

ـ كنت مديها لفؤاد. قلت:
ـ عارف. فؤاد كان واقف عند الباب. ـ بس إنت ماقولتش ليه؟شادي بصله. فؤاد مااتكلمش. أنا كملت:
ـ والأهم إن حسام قبل مــ,,ـــــوته بساعات بعت رسالة. طلعت صورة الرسالة. كان مكتوب:
"لو حصل لي حاجة، اسأل عن الملف الأزرق.

"
عمي ضحك.ـ ملف أزرق؟قلت:
ـ أيوه. شادي قام. ـ كفاية. بصيت له. ـ ليه؟ـ لأنك مش عارف بتتكلم عن إيه. قلت:
ـ أنا عارف. وبعدين حطيت صورة تانية. صورة لملف أزرق. كان ظاهر في تسجيل كاميرا قديم. وشادي واقف ماسكه.