نافورة مياه حكايات صافي هاني

المكان كان مكتب حسام. قبل وفاته بيوم. القاعة كلها سكتت. شادي قال:
ـ ده مش دليل. ـ صح. قلت:
ـ عشان كده عندي دليل تاني. شغلت التسجيل الصوتي. الصوت ظهر."لو ياسين رجع للشركة، لازم نخلص الملف قبل ما يشوفه."
وبعده صوت شادي:
"ياسين مش فاهم حاجة.

"
ثم صوت عمي:
"حسام كان فاهم."
الصمت اللي حصل بعدها كان تقيل. شادي بص لعمي. عمي بص له. وفهمت. كان بينهم شيء. لكن قبل ما أتكلم، شادي قال:
ـ التسجيل متفبرك. ابتسمت. ـ كنت متوقع. طلعت ظرف. ـ عشان كده جبت الأصل. دخل محامي الشركة ومعاه خبير تسجيلات.

لكن قبل ما نبدأ، عمي وقف. وقال:
ـ ياسين. بصيت له. ـ إنت فاكر إننا .نا حسام؟ماجاوبتش. قال:
ـ إحنا ما. ناهوش. سكت. ـ لكن إحنا خبينا الحقيقة. قلبي وقع.---
بعد الاجتماع، أخدته لوحده. قلت:
ـ احكي. قعد. وشه كان متعب. قال:
ـ حسام اكتشف إن فيه فلوس بتطلع من الشركة باسم عقود مش حقيقية.

ـ مين كان بياخدها؟ـ شادي. سكت. ـ وإنت؟ـ عرفت متأخر. ـ وليه مابلغتش؟ـ عشان شادي هددني. ـ هددك بإيه؟ـ قال إنه لو اتفضح، الشركة كلها هتنهار، وهيطلع مستندات قديمة تدينني أنا كمان.

ـ وحسام؟ـ حسام رفض. ـ وبعدين؟عمي بص في الأرض. ـ في الليلة اللي مات فيها، حسام قابل شادي. ـ لوحدهم؟ـ أيوه. ـ وبعدها؟ـ شادي خرج من عنده. ـ وحسام؟ـ قاللي إنه رايح يقابل شخص عند المنتجع. اتجمدت. ـ مين؟ـ ماعرفتش.

ـ وإنت؟ـ أنا لحقت بيه. ـ ليه؟ـ عشان أحاول أقنعه يسكت. ـ ولما وصلت؟سكت طويلًا. ـ لقيت حسام واقف مع راجل. ـ مين؟ـ واحد من الموردين. ـ وبعدين؟ـ حصلت مشادة. ـ وبعدها؟ـ حسام مشي. ـ والعربية؟ـ هو اللي ساقها.

ـ وإنت؟ـ رجعت الشركة. ـ يعني ماكنتش معاه وقت الدــ,,ـــــادث؟ـ لأ. قلت:
ـ طيب مين كان في العربية؟عمي رفع عينه. ـ ماعرفش. خرجت منه وأنا حاسس إن نص الحقيقة ظهر. لكن النص التاني أخطر.
رجعت لمريم. قلت لها:
ـ نادية لازم تظهر. قالت:
ـ اختفت. ـ أنا هلاقيها.---
بعد يومين، فؤاد جابلي خبر. نادية موجودة في القاهرة. ساكنة في شقة صغيرة في منطقة قديمة. روحت لها بنفسي. فتحت الباب أول ما شافتني. اتخضت. قالت:

ـ إنت؟ـ أيوه. ـ مين قالك مكاني؟ـ مش مهم. حاولت تقفل الباب. مسكته. ـ نادية، أنا مش جاي أأذيكي. قالت:
ـ حسام قاللي إنك ما تثقش في حد. ـ وإنتي صدقتيه؟ـ أيوه. ـ وأنا كمان. سكتت. دخلت. قعدت قدامي. قلت:
ـ مريم عندي.وشها اتغير.

ـ مريم؟ـ أيوه. ـ هي عايشة؟ـ أيوه. نادية غمضت عينيها. وقالت:
ـ الحمد لله. ـ ليه؟ـ لأنهم كانوا بيدوروا عليها. ـ مين؟ـ نفس الناس. ـ شادي؟ـ شادي مش لوحده. ـ مين معاه؟سكتت. ـ نادية. قالت:
ـ حد من جوه عيلتك.