مراتي كل ما ألمسها

دموعها نزلت. ـ أنا مش بعمل كده عشان إنت مقرف. ـ أمال؟ـ مش عارفة. كانت دي أول مرة تقولها. مش عارفة. وساعتها كان المفروض أفهم إن المشكلة مش عناد. مش دلع. مش قلة حب. لكن أنا للأسف ما فهمتش.بعدها بفترة عرفنا إنها حامل.

كنت أسعد واحد في الدنيا. حــ,,ـــــضنتها وقلت:
ـ خلاص بقى، هنبقى تلاتة. ابتسمت. ولأول مرة من فترة طويلة شفت الفرحة في عينيها. لكن الحمل بدل ما يخفف الموضوع، خلاه أسوأ. بقت خايفة على الجنين من أي حاجة. أي حد يعطس جنبها كانت تقلق.

لو رجعت من عند الدكتور، كانت تغير هدومها فورًا. لو لمست مقبــ,,ـــــض باب المستشفى، تغسل إيدها أكتر من مرة. لو حد سلم عليها، تسألني:
ـ إيده كانت نضيفة؟وفي مرة كنت راجع معاها من عند الدكتور، وقابلنا واحدة من قرايبنا.مدت إيدها لنورهان. نورهان سلمت عليها.

وبعد ما مشينا خطوتين، قالتلي:
ـ أحمد... عايزة أرجع البيت. ـ ليه؟ـ عشان أستحمى. ـ تاني؟ـ إيدي. ـ إيدك إيه؟ـ سلمت عليها. ـ يا نورهان دي قريبتنا. ـ عارفة. ـ طب إيه المشكلة؟ما ردتش. وفي البيت دخلت الحمام.

أنا المرة دي فضلت واقف قدام الباب. ولما خرجت قلت لها:
ـ كفاية. بصتلي. ـ كفاية إيه؟ـ اللي بتعمليه في نفسك. ـ أنا بخاف على ابني. ـ وإنتِ بتأذيه وأنتِ فاكرة إنك بتحميه. وشها اتغير. ـ متقولش كده.

ـ طب أقول إيه؟ـ أنا مش قادرة يا أحمد. كانت أول مرة أشوفها منهارة بالشكل ده. لكن بدل ما أحــ,,ـــــضنها، أنا اتعصبت. قلت:
ـ وأنا كمان مش قادر!ودخلت أوضة النوم. قعدت على السر,,ـــــير وأنا حاطط إيدي على وشي.

كنت بحبها. والله كنت بحبها. لكن كنت بدأت أتعب. بقيت أخاف ألمسها. أخاف أقرب منها. أخاف أقول كلمة تزعلها. وفي نفس الوقت كنت حاسس إني متجوز واحدة مش موجودة معايا. جسدها في البيت. لكن عقلها طول الوقت محبوس في دائرة الخوف.

وفي يوم حصلت الخناقة اللي غيرت كل حاجة. كنت راجع من الشغل متأخر. دخلت البيت، وكنت مرهق. لقيتها قاعدة في الصالة. قربت منها. قلت:
ـ وحشتيني. مديت إيدي ألمس شعرها. فجأة قامت. ـ استنى. ـ تاني؟ـ إيدك. ـ إيدي فيها إيه؟

ـ إنت كنت بره. ـ أيوه. ـ سلمت على حد؟ـ مش فاكر. ـ أكيد لمست حاجات. ضحكت من العصبية. ـ يعني إيه؟ أنا نازل الشغل في كيس بلاستيك؟بصتلي بخوف. ـ أحمد متضغطش عليا. ـ وأنا مين يضغط عليا؟ـ أنا مش قاصدة.

ـ بس إنتِ بتبعدي عني كل يوم. سكتت. قلت:
ـ أنا بقيت حاسس إني غريب في بيتي. دموعها نزلت. ـ أنا بحاول. ـ لأ، إنتِ مش بتحاولي. ـ بحاول والله. ـ طب روحي اتعالجي. الكلمة خرجت مني بعصبية.